PETALING JAYA: Koupisan Meteorologi Malaysia (MetMalaysia) di tadau baino’ pinapalabus kopoingatan koyuon tawan mingat-ingat (osilou) i koowit rasam asapou kapaampai bohogian kinoiyonon id pogun Sarawak, Sabah om Labuan.
Tumanud Utusan Malaysia, MetMalaysia id kointalangan i pinalabus di jam ko 9.30 kosuabon baino’ pinopoilo, koiyonon nopo di ogompitan id Sarawak nga’ Bohogian Limbang.
Naamot dilo’ rasam asapou pikikiro aantakan id pipiro bohogian id Sabah ilo’ nopo nga’ bohogian poonsokid Sipitang, Kuala Penyu om Beaufort, bohogian tisan kotonobon (Papar, Putatan, Penampang, Kota Kinabalu, Tuaran om Kota Belud) nogi’ Labuan.
Ka wagu do kointalangan dilo’, kopoingatan tongus sumowogi’ mantad hapak kotonobon pikikiro koowit rasam asapou i kopogowit do monliyud id koiyonon di osiriba’ doid watas nongokomoi.
