PETALING JAYA: Soginumu’ 86.3 pihatus toi 20,202,624 tulun nosukod id pomogunon diti nogonop minamaramit duo dos ponungkitan vaksin gisom di konihab.
Tumanud do Utusan Malaysia, mimpau di kointalangan i pinoilangan do Komitikuasa’ Pinotomod Jominan Piromutan Pangaba’ Vaksin Covid-19 (JKJAV) id Twitter, koinsanai pogun nokoposurat 60 pihatus mogigiyon nosukod i nakaramit ponungkitan vaksinasi nogonop miampai Sabah nosili pogun di tohuri no miampai 60.3 pihatus.
Lembah Klang kakal bobos akawas montok pihotusan mogigiyon nosukod nogonop vaksinasi miampai do 110.9 pihatus sinusuhut do Labuan (98.6 pihatus), Negeri Sembilan (97.3 pihatus), Perlis (91.5 pihatus) om Sarawak (89.5 pihatus).
Melaka nopo nga’ (87.7 pihatus), Terengganu ( 84.8 pihatus), Pulau Pinang (83.2 pihatus), Johor ( 81.2 pihatus), Kedah om Pahang sopipoopori do 74.2 pihatus, Perak (72.0 pihatus) nogi’ Kelantan (70.6 pihatus).
Tumanud kointalangan dilo’, soginumu’ 62 pihatus toi 20,255,398 tulun mogigiyon koinsanai pomogunon diti nakaramit vaksinasi nogonop gisom di konihab.
Gisom di konihab, soginumu’ 329,163 dos ponungkitan tadau-adau pinatahak id poliliput pomogunon nokoposili tintob dos di nakatahak nopo nga’ 43,696,743 dos.
