KOTA KINABALU: Sabah potilombus nokoposurat kinoinsawaton kes wagu ilo’ nopo nga’ 2,413 di tadau baino’, nokoinsawat 310 kes nung piadangon di konihab.
Di konihab pogun diti nokoporikod 2,103 kes.
Montiri Koporintaan Nokoiyonon om Pomuwalaian, Datuk Seri Masidi Manjun minoboros, tintob kes di baino’ kaampai no kootusan pinomorisaan notimung (backlog) soginumu’ do 258 (10.7%).
Ka disio, watas Kota Kinabalu nokoposurat 594 kes wagu, nokoinggumu’ 127 kes nung piadangon di konihab, naamot Tawau 348 kes (+93), Penampang 177 kes (+42), Tuaran 174 kes (-26), Sandakan 150 kes (-58), Keningau 153 kes (-10), Lahad Datu 125 kes (+47), Sipitang 82 kes (+47), Tenom 82 kes (+21), Kalabakan 47 kes (+39), Ranau 16 kes (-41) om Telupid 18 kes (-30).
“Pinomorisaan romut osomok kakal nokopomoruhang togumu’ kumaa kes tadau-adau id Sabah, soginumu’ do 1,140 kes (58.4%), sinusuhut do pinomorisaan kitanda’ 538 kes (12.3%) om pomorisaan kluster 233 kes (9.6%),” ka disio.
Soginumu’ do 1,363 (56.5%) tulun mantad di 2,413 kes di baino’ nopo nga’ susumakit kategori 2, 1,026 tulun (42.5%) kategori 1, songulun id kategori 3, tolu tulun id kategori 4 om limo tulun id kategori 5.
Isio po nogi’ Mononomboros Covid-19 Sabah pinopoilo nogi’ do gisom di konihab, 48.4% mogigiyon nosukod pogun Sabah nakaanu iso’ dos vaksin om 24.7% nokopomogonop kinopongonuan duo dos.
Ginumu’ kes tumanud watas:
Kota Kinabalu 594 (467)
Tawau 348 (255)
Penampang 177 (135)
Tuaran 174 (200)
Keningau 153 (163)
Sandakan 150 (208)
Lahad Datu 125 (78)
Sipitang 82 (35)
Tenom 82 (61)
Kota Belud 81 (71)
Papar 75 (56)
Kalabakan 47 (8)
Beaufort 46 (39)
Putatan 42 (41)
Kinabatangan 36 (40)
Kota Marudu 28 (27)
Beluran 23 (24)
Pitas 22 (10)
Semporna 21 (17)
Kunak 20 (16)
Tongod 20 (28)
Telupid 18 (48)
Ranau 16 (57)
Kudat 13 (5)
Nabawan 9 (10)
Kuala Penyu 6 (0)
Tambunan 5 (4)
(Tintob id bingkurung nopo nga’ tintob kes konihab – 17tw Kowalu’)
Kluster Wagu
Kluster Sungai Pin 2, Kinabatangan 20 (+19)
