1,728 kes wagu id Sabah di tadau baino’, 261 kes id KK

MASIDI: Id KK, pihotusan diolo’ i mantad kategori kitanda’ akawas kopio.

KOTA KINABALU: Tintob kes wagu id Sabah nokosimbuat di tadau baino’ kuminaa 1,728, noruhangan 63 kes.

Di konihab, pogun diti nokoposurat 1,665 kes wagu.
Montiri Koporintaan Nokoiyonon om Pomuwalaian, Datuk Seri Masidi Manjun minoboros, di tadau baino’ Kota Kinabalu nokoguli’ id sawat miampai 361 kes, 154 lobi kasawat ko’ mantad di konihab (15tw Kowalu’).

Ka disio, Tawau nokoposurat 154 kes, Sandakan 243 kes, Tuaran 149 kes (+93), Penampang 138 kes, Kinabatangan 71 kes (-81), Keningau 67 kes, Beluran 59 kes, Kota Belud 57 kes om Ranau 31 kes.

“Pinomorisaan maya’ romut osomok potilombus nosili momomoruhang togumu’ kumaa kes ngaawi’ wagu id Sabah, ilo’ nopo nga’ soginumu’ do 962 kes (55.7%), naamot pinomorisaan kitanda’ 461 kes (26.7%) om kes mantad pinomorisaan kluster 134 (7.8%).

“Id Kota Kinabalu, pihotusan diolo’ i mantad kategori kitanda’ akawas kopio, ilo’ nopo nga’ 43.2%, naamot montok Penampang 38.4%, Tawau 30% om Sandakan 22.2%,” ka disio.

Mantad di 1,728 kes di tadau baino’, 763 kes (44.2%) nopo nga’ mantad kategori 2, 366 kes (21.2%) nopo mantad kategori 1 om 587 kes (34%) kakal id ponoriukan, ka disio i pinopoilo do montok kategori 3, 10 tulun susumakit, om sopipoopori do songulun montok kategori 4 om 5.

Pinopoilo nogi’ i Masidi do soginumu’ 46.2% mogigiyon nosukod Sabah nakaanu no do iso’ dos vaksin om 22.7% nokopomogonop kinopogonuan duo dos vaksin gisom di konihab (15tw Kowalu’).
Ginumu’ kes tumanud watas:
Kota Kinabalu 361 (207)
Tawau 254 (245)
Sandakan 243 (244)
Tuaran 149 (56)
Penampang 138 (128)
Kinabatangan 71 (152)
Keningau 67 (69)
Beluran 59 (46)
Kota Belud 57 (76)
Lahad Datu 39 (34)
Sipitang 36 (29)
Telupid 32 (25)
Ranau 31 (16)
Putatan 28 (30)
Papar 26 (107)
Kalabakan 24 (22)
Tongod 18 (44)
Tambunan 16 (34)
Semporna 15 (15)
Nabawan 13 (18)
Kunak 12 (8)
Tenom 9 (13)
Beaufort 9 (18)
Kota Marudu 8 (23)
Pitas 5 (2)
Kudat 5 (3)
Kuala Penyu 3 (1)