KOTA KINABALU: Luguan ngaawi’ kopointalangan parti id Koporintaan Perikatan Nasional (PN) tuminaru montok tumilombus monguhup di Luguan Montiri, Tan Sri Muhyiddin Yassin om lansanon takawas toinsanan parti popoindalan karaja’ om tonggungan di pinoowitan, lolobi no id kapatahakan kointalangan otopot kumaa rayat.
Yolo’ kaampai no i Luguan Kopointalangan Parti Pribumi Bersatu Malaysia (BERSATU), Datuk Wan Saiful Wan Jan; Luguan Kopointalangan Parti Islam Se-Malaysia (PAS), Kamaruzaman Mohamad; Luguan Kopointalangan Parti Maju Sabah (SAPP), Chin Vui Kai; Lugan Kopointalangan Parti Solidariti Tanah Airku (STAR), Jeffrey Kumin; Luguan Kopointalangan Parti Gerakan Rakyat Malaysia (GERAKAN), Koo Shiaw Lee; Luguan Kopointalangan Malaysian Indian Congress (MIC), Datuk V Gunalan; Ponorikohon Biro Kopointalangan Malaysian Chinese Association (MCA), Chan Quin Er; Monunurat Manganganjur Kebangsaan Parti Demokratik Progresif (PDP), Yong Li Na; Luguan Kopointalangan Parti Bersatu Sabah (PBS), Datuk Julita Majungki; Luguan Kopointalangan Parti Pesaka Bumiputera Bersatu (PBB), Datuk Idris Buang; Luguan Kopointalangan Parti Rakyat Sarawak, Datuk Wilfred Nissom; om i Monunurat Publisiti om Kopointalangan Longkod Parti Rakyat Bersatu Sarawak (SUPP), Adam Yii.
Pinopolombus diti id kointalangan oinsanan di konihab, minonokodung yolo’ do titah di KDYMM Seri Paduka Baginda Yang di-Pertuan Agong miagal pinolombus di kaawagu diti.
Titah KDYMM Tuanku pinopokito angkab disio do papatantu’ kotundunan rayat toririmo poinggompi’, ka diolo’.
“Mongunsikou yahai kumaa lansanon tangakawas parti id koporintaan nogi’ tongo’ puru Parlimen i miampai ouli’ pinopolombus sokodung kumaa di YAB Tan Sri Muhyiddin Yassin miampai Kabinet disio montok tumilombus momuruan pogun monoguang kaantaban Covid-19.
“Iti nopo nga’ i posuulon kopio do pogun babaino’ diti, montok koundaran rayat koinsanai,” ka diolo’.
Nunsub po nogi’ diolo’ toinsanan nayatan mogigiyon do monorisid di tongo’ kopointalangan pinatahak do koporintaan karait koyuyuon maso-maso.
Ka diolo’, adalaan kogumu’ bohogian i mumbal maganu kosiwatan mantad ‘kokusutan’ montok no do koundaran sondiri om montok manampasi tinan (sondiri’), kaampai no minwonsoi habar pilasu om papasansala’ koyuyuon maso-maso maya’ media sosial.
“Rayat mositi’ osoding di kopoguraankaraja’ i aiso’ tinonggungan diti, om toririmo sumuku’ kumaa nantadon tongotopot montok mongilo’ koyuon di otopot,” ka diolo’ pinopointalang.
Minongunsub yolo’ mooi do koposuulan, pogulion kawagu kumaa pinggisoman manamong kolidasan rayat om monuridong kawagu ikonomi pogun maya’ kopoindalanan Palan Ponondulian Nasional (PPN) i pinalan do Koporintaan.
“Sabaagi kukuaraja’ kopointalangan parti ngaawi’ id suang koporintaan, tumaru yahai montok tumilombus monguhub di YAB Tan Sri Muhyiddin Yassin om lansanon takaws toinsanan parti popoindalan karaja’ om tonggungan di pinoowitan, lolobi no id kapatahakan kointalangan otopot kumaa rayat,” ka diolo’ kawagu.
