Masidi Manjun
KOTA KINABALU: Kes wagu Covid-19 id Sabah di tadua baino’ nokosimbuat kuminaa 712, nokopokito kakal ogumu’ i amu’ minananud kooturan kopoindalan pinatantu’ (SOP).
Montiri Koporintaan Nokoiyonon om Pomuwalaian, Datuk Seri Masidi Manjun pinopohimagon diti ontok nuhot maya’ WhatsApp.
Tumanud ruputan tikid tadau i pinalabus, lobi pitanga’ ilo’ nopo nga’ 383 kes (53.8%) mononoluod togumu’ tintob kes di baino’ nopo nga’ mantad pinomorisaan romut osomok, sinusuhut kinopomoruhangan kes mantad kluster di haro mantad miampai 112 kes (15.7%) om pinomorisaan pinobuntuk 88 kes (12.4%).
Duo (2) kluster wagu nga’ pinorumut di tadau baino’ ilo’ nopo nga’ Kluster Jalan Mat Salleh, Kota Kinabalu (Rumah Persekutuan) nokoporikod do 9 kes om Kluster Nosoob Baru 1 Kes.
Kinoingkawason kes nokopokito kakal ogumu’ i amu’ minananud SOP di poinponu’.
Haro kopikikiraan do nakalawong mogigiyon mantad mananud ponuhuan panamangan panau (montok toririmo tumimporon id walai om mongingkuri’ kapapanahon) sabab kiharo pomusarahan do yati’ id timpu koponondulianan.
Tintob di akawas id nayatan bohogian romut osomok nga’ iso’ nogi’ kopokitanan do lobi kogumu’ i nosili mogogowit virus diti om kopikikiraan do kopogkoroliu nondo di rinomutan koombolutan diolo’. Iti kopogowit do tintob kopogkorolihan milipat.
Mogigiyon pinokianu do mananud koinsanai SOP om mongingkuri’ pamanahan lumabus mantad walai, suai ko’ kikogunaan kopio.
Kota Kinabalu 161
Sandakan 98
Beaufort 72
Penampang 65
Tawau 33
Keningau 32
Kalabakan 29
Tuaran 28
Sipitang 26
Kudat 22
Putatan 21
Kuala Penyu 17
Ranau 16
Lahad Datu 15
Papar 15
Kota Belud 14
Kunak 11
Tenom 8
Tongod 7
Kinabatangan 5
Semporna 4
Beluran 4
Pitas 4
Kota Marudu 2
Telupid 1
Nabawan 1
Tambunan 1
