Masidi Manjun
KOTA KINABALU: Sabah nokoporikod 657 kes positif wagu Covid-19 di tadau baino’, montok tadau kumaapat otuntud montok pogun diti nokoposurat tintob kes id kawas ko’ mantad 600.
Montiri Koporintaan Nokoiyonon om Pomuwalaian, Datuk Seri Masidi Manjun id sinuratan doid Twitter disio minoboros, iti mantad no do kinapanahasan po’ompus di poinggayo do Koupisan Kolidasan Pogun Sabah (JKNS) id koinsanai kinoiyonon kluster ngaawi’.
Momoboros Covid-19 Sabah dilo’ minoboros, 317 po kawagu kes positif wagu noilaan mantad pinomorisaan dilo’, ilo’ nopo nga’ 48.2 pihatus mantad koinsanai kes id Sabah di tadau baino’ (657).
Kluster Pomojiilan (Kluster Tembok) Kapayan om Tawau nokoporojistor 245 kes wagu id nayatan banduan / tahanan, ilo’ nopo nga’ 37.2 pihatus mantad koinsanai kes id Sabah di tadau baino’.
Id Kota Kinabalu, 53 pihatus mantad kes id watas diti mantad doid Pomojiilan Kapayan om montok Tawau, 84 pihatus kes wagu nopo nga’ mantad Pomojiilan Tawau.
30.3 pihatus kes nopo nga’ maya’ pinomorisaan id nayatan romut.
Soginumu’ do 59 pihatus (387) mantad diolo’ i positif nopo nga’ id Bohogian 1 (aiso’ tanda’) om 33.5 pihatus (220) id Bohogian 2 (tanda’ agaan / mild symptoms) om goduduo bohogian diti momoguno no do kopongusapan id PKRS (Longkod Kuarantin om Kopongusapan Covid-19 Kiwaya’ Osiriba’).
